१९ चैत, काठमाडौं । प्रभसिमरन सिंह र कप्तान श्रेयस अय्यरले अर्धशतक बनाएपछि पञ्जाब किङ्सले इन्डियन प्रिमियर लिग (आईपीएल) क्रिकेटमा लगातार दोस्रो जित हासिल गरेको छ । मंगलबार भएको खेलमा लखनउ सुपर जायन्ट्सलाई ८ विकेटले हराउँदै पञ्जाबले दोस्रो जित निकालेको हो । लखनउले दिएको १७२ रनको लक्ष्य पञ्जाबले १६.२ ओभरमा २ विकेटको क्षतिमा भेट्टायो । पञ्जाबका लागि प्रभसिमरन सिंहले विस्फोटक अर्धशतक बनाए । २३ बलमै अर्धशतक पूरा गरेका उनी ६९ रनमा आउट भए । उनले ९ चौका र ३ छक्का प्रहार गरे । त्यस्तै कप्तान श्रेयस अय्यरले अविजित ५२ रनको पारी खेले । नेहाल वधेरा ४३ रनमा अविजित रहे । लखउका दिग्वेश राथीले २ विकेट लिनुबाहेक...